Obradoiros e charlas

  • Curso de iniciación ó urban sketching (debuxo urbano) no Centro Xove da Almáciga (Compostela). 

Duración: 10 semanas, unha sesión de 2h cada semana. Comeza o 16 de outubro.

Afeita a facer obradoiros para cativ@s e charlas para alumnado da ESO, por primeira vez dirixo un obradoiro para público adulto. Comezará o martes 16 de outubro e rematará antes do Nadal.

De que trata?

O máis importante será facer grupo e pasalo ben debuxando. Haberá unha sesión  dedicada ás nocións básicas do debuxo (perspectiva, encaixe, liña, sombra…) mais “debuxar ben” non é o importante.

Falaremos do que é o urban sketching, da práctica do debuxo do natural con atención plena e do moito que este se parece á meditación en canto a resultados e sensacións. Trátase de que cada participante comece a facer un caderno de viaxe ilustrado, persoal e a modo de diario gráfico, e de que tod@s compartamos experiencias. Nunha sociedade tan rápida e chea de imaxes (publicitarias), trataremos de “desdixitalizarnos” un par de horiñas á semana para observar o que nos rodea e decatarnos do que normalmente pasa desapercibido ó noso redor.

NON é preciso ter coñecementos previos na materia nin traer o material máis básico, ou sexa, o caderno, lapis e marcadores.

 

QUERO ANOTARME!

 


  • Coñecendo a…

Obradoiro práctico de artistas galegas para alumnado de Infantil. Do 21 ó 30 de maio no CEIP Castelao de Ordes.


  • Visita ó Cole de Cea e faladoiro sobre muller e música con Cris Asenjo (O Sorono Maxín). Nov. 2017

 


  • Obradoiros de ilustración e libro ilustrado para nenas e nenos de 3 a 12 anos. Curso 2016/2017. Ordes

Carteis deseñados para cada un dos obradoiros

O resultado: unha revista con relatos ilustrados

revista Campomaior

obradoiro CEIP Castelao